［短片背後嘅人生過山車］
話說前排比游學修單對單訓話之後
每日一係度橋一係諗住佢點樣單挑我
驚到我連訓教都度梗橋
結果就係個夢裡面度左喱條片
https://www.facebook.com/captvhk/videos/908428229277767/
惡夢就咁開始左啦（轟啊！）
喱條片拍到夜晚十二點仲滾搞咁多人
令我良心已經好過意唔去...
所以呢條片一定要剪得好好睇睇
事前劉展翹已經剪好左70%(巧叻叻)
所以我今日只要加工美化就得喇～
食完個好晏嘅晏醒起今日6點就要出片
OMFG！得返三個鐘都無！
我要冷靜！我自稱「剪片神童」一定可以嘅
我一邊鼓勵自己一邊其實好緊張咁剪片
但一路剪個精神狀態每況愈下
開始胡言亂語好似搞乜鬼奪命集作咁
突然！阿修返左黎啊啊啊！！！
將我嘅神經線推到最高點
除左將我默默嬲9佢幾個星期嘅事講出黎
仲開始失去理智好想喊（崩潰）
不過同時我同自己講「喊就代表我軟弱」
所以我忍住淚說一聲goodbye繼續剪片
終於美化到見得下人就輸出條片
因為身邊嘅人(豪,腎,劉)係度Rap緊
所以我剩係Check左畫面無Check聲就出左
點知放左上CapTV 擷電視大家一齊觀賞
先發現個VO嘅位錯銀左啊！！！
我當場崩潰：「啊！！！唔好啊！」
犯左喱個低級錯誤已經自責地想死
阿修仲要係度！我好驚又要俾佢鬧喇！
我默默地講左句對唔住 （含淚）
因為個時已經係六點半...
我就係度諗：「點解我人生做咩都要遲到」
如果遲到同On9都獎拎
我應該係「兩料世界終身成就獎」
我好內疚同時好大壓力咁改過條片
腎仔一路係我耳邊重覆左六次
「壓力呢係自己俾自己咖咋」
但其實嗰切我剩係想順利出片之後解脫
點知原來出左片仲會有收視壓力
然後宜家都未過一千Like壓力好大
寫完先發現我根本得跌無升
所以應該係人生跌樓機先岩...
最後送上我等render靈魂出竅嘅死樣
Btw游學修臨走仲挑釁左我兩次，仲話會幫我share結果無做到，呢個仇我一定會報！
Search